Бейбит Жуқаев Қозоғистоннинг учинчи ракеткаси бўлди

ASTANA. Kazinform – Ақтау теннис мактаби битирувчиси 22 ёшли Бейбит Жуқаев Қозоғистоннинг учинчи ракеткаси бўлди, деб хабар беради Kazinform мухбири.

Профессионал теннисчилар уюшмаси (АТР) томонидан эълон қилинган янгиланган жаҳон рейтингида Б.Жуқаев 256-ўриндан 236-ўринга кўтарилди.

Икки ҳафта олдин 325-ўринни эгаллаган Бейбит Литтл-Рок (АҚШ) челленджер турнирида финалга чиқиш, шунингдек, Пуэрто-Рикода Пальмас дель Марда ярим финалга чиқиш натижасида жаҳон рейтингида юқорига кўтарилди.

Муаллиф: Ғайсағали Сейтақ