Балқаш кўлининг сув сатҳи яна 8 см кўтарилди

Балқаш кўлининг сув сатҳи яна 8 см га кўтарилди. Айтиш жоизки, трансчегаравий Иле дарёсидан кўлга сув жўнатиш ишлари давом этмоқда.

Бунгача сув сатҳи 15 см га ошган ва 1 апрелда 174 см га етган. Бугунги кунда бу кўрсаткич 182 см гача кўтарилди.

Шундай қилиб, йил бошидан буён Балқашдаги сув сатҳи 23 см га кўтарилди.

“Балқаш кўлидаги сув сатҳини аниқлаш мақсадида 4 та гидростанцияда: Саришаған, Қарақум, Балқаш ва Минаралда мониторинг олиб борилмоқда. Бундан ташқари, Ғарбий Қозоғистон вилоятидаги Қамис-Самар кўлларига 80 миллион куб метр сув қуйилди, Каспий денгизига яна 200 миллион куб метр сув жўнатилган. Улитау вилоятидан Қизилўрда вилоятининг қишлоқ хўжалиги далаларига сув жўнатиляпти”, - деди ҚР Сув ресурслари ва ирригация вазирлиги расмий вакили Молдир Абдуалиева.