AZAL Боку-Қозон йўналиши бўйича парвозларни тўхтатди

Azerbaijan Airlines (AZAL) авиакомпанияси хавфсизлик нуқтаи назаридан Боку-Қозон-Боку йўналишидаги барча рейсларни номаълум муддатга тўхтатиб қўйди.

“Сўнгги пайтларда Россиянинг Қозон шаҳри устидаги ҳаво ҳудудининг мунтазам ёпилиши муносабати билан AZAL парвозлар хавфсизлигини таъминлаш мақсадида Боку-Қозон-Боку йўналишидаги барча рейсларни номаълум муддатга тўхтатди”, – дейилади хабарда.

Авиаташувчининг маълум қилишича, ушбу йўналиш учун чиптага эга бўлган йўловчилар чипталарни тўлиқ қайтариш ёки бепул алмаштириш ҳуқуқига эга.

“AZAL жорий вазиятни диққат билан кузатишда давом этади ва ўзгаришлар ҳақида йўловчиларни хабардор қилади”, – дея қўшимча қилди компания.

Эслатиб ўтамиз, 25 декабрь куни Azerbaijan Airlines компаниясининг Бокудан Грознийга учаётган Embraer 190 йўловчи самолёти Ақтау яқинида ҳалокатга учраган эди. Самолёт бортида 67 киши, жумладан беш нафар экипаж аъзоси бўлган. Табиий офат натижасида 38 йўловчи ҳалок бўлди, 29 киши тирик қолди.