Australian Open: Новак Жокович рекорд ўрната оладими

ASTANА. КAZINFORM - Австралия очиқ чемпионатида эркаклар ўртасида ярим финалга чиққан барча спортчилар номи маълум бўлди.

Бунгача Австралия чемпионлигини ўн марта қўлга киритган дунёнинг 1-рақамли теннисчиси сербиялик Новак Жокович бу йил ҳам асосий даъвогарлардан бири саналади.

Сербиялик теннисчи чорак финалда дунёнинг 12-ракеткаси америкалик Тэйлор Фрицни тўрт соат давом этган баҳсда – 7:6 (7:3), 4:6, 6:3, 6: 2 ҳисобида мағлуб этди.

Н.Жоковичнинг ярим финалдаги рақиби италиялик, дунёнинг 4-ракеткаси Янник Синнер. У чорак финалда ўзидан бир поғона пастда жойлашган россиялик Андрей Рублевдан устун келди – 6:4, 7:6 (7:5), 6:3.

Яна бир ярим финалда дунё рейтингида 3-ўринни эгаллаб турган россиялик Даниил Медведев ва рейтингда 6-ўринни эгаллаб турган германиялик Александр Зверевлар тўқнаш келишади.

Деярли 4 соат давом этган баҳсда Д.Медведев дунёнинг 9-ракеткаси, Польша вакили Хуберт Хуркачни мағлуб этди - 7:6 (7:4), 2:6, 6:3, 5:7, 6: 4.

А.Зверев эса дунёнинг 2-ракеткаси, 20 ёшли испаниялик Карлос Алкарасни 6:1, 6:3, 6:7 (2:7), 6:4 ҳисобида мағлуб этди.

Новак Жокович чемпион бўлса, ўтган йилги унвон ва рейтинг очколарини ҳимоя қилибгина қолмай, рекорд ҳам ўрнатади. У бу кўрсаткич бўйича Маргарет Кортни ортда қолдириб, яккалик баҳсларида “Катта дубулға” турнирининг 25 карра ғолибига айланади.

Эслатиб ўтамиз, аввалроқ Амир Омарханов Австралия очиқ чемпионатида қозоғистонлик ўсмирлар орасидан биринчи бўлиб чорак финалга чиққани ҳақида хабар берган эдик.

Муаллиф: Ғайсағали Сейтақ