ATP 500 Astana Open турнирида дунёнинг энг кучли 5 нафар теннисчиси иштирок этади

NUR-SULTAN. Kazinform – Қозоғистон пойтахтида 2022 йил 1 октябрдан 9 октябргача бўлиб ўтадиган ATP 500 хард турнири ўйинчилари рўйхати маълум бўлди, дея хабар беради Kazinform Қозоғистон теннис федерацияси матбуот хизматига таяниб.

Турнирда Карлос Алькарас (№4 АТР), Стефанос Циципас (№5 АТР), Феликс Оже-Альяссим (№8 АТР), Хуберт Хуркач (№10 АТР) каби жаҳон рейтингида кучли ўнталикка кирувчи спортчилар иштирок этади. Шунингдек Андрей Рублёв (№11 АТР), Янник Синнер (№13 АТР), Диего Шварцман (№16 АТР), Роберто Баутиста Агут (№18 АТР), Григор Димитров (№19 АТР), Гаэль Монфис (№24 АТР), Катта дубулға турнирлари ғолиблари - Марин Чилич ва Стэн Вавринка ҳам ўйнайди.

Сараланган спортчилар биринчи даврадан ўйнашни бошлайдилар.

Нуфузли турнирда Қозоғистон шарафини Александр Бублик, Михаил Кукушкин, жуфтлик баҳсларида Андрей Голубев ва Александр Недовесов ҳимоя қилади.