Атирау вилоятида замонавий спорт мажмуаси очилди

None
ATYRAÝ. Kazinform – Атирау вилоятида замонавий спорт мажмуаси очилди, дея хабар беради Kazinform.

Атирау вилояти ҳокими ўринбосари Жасулан Бисембиевнинг маълум қилишича, бу ерда 1212 та спорт иншооти мавжуд.

Турли спорт турлари билан шуғулланаётган болалар ва ўсмирлар сони 15 минг 550 нафарга етди.

«Жорий йилда 36 та спорт иншооти қўшилди. Вилоятда болалар ва ўсмирлар учун 8 та жисмоний тарбия тўгараклари фаолият кўрсатмоқда. Ўқувчилар сони 814 нафарга кўпайиб, 7312 нафарни ташкил этди. Спорт тўгаракларига қатнашувчилар сони 633 нафарга кўпайиб, 4276 нафарга етди. Ўтган йилга нисбатан қўшимча секцияларга волейбол бўйича 117 нафар, баскетбол бўйича 30 нафар, сув спорти бўйича 496 нафар бола қабул қилинди»

, – дейди Жасулан Бисембиев.

Янги спорт мажмуаларидан бири Мақат туманидаги Доссор овулида фойдаланишга топширилди. Бинонинг умумий майдони 500 квадрат метрни ташкил қилади.

Кураш, бокс, дзюдо заллари зарур жиҳозлар билан тўлиқ жиҳозланган. Эндиликда мажмуа ҳовлисида ишлаб чиқариш майдончаси қуриш режалаштирилган.

Мажмуа 200 кишига мўлжалланган. Бу ерда 6 нафар мураббий ишлайди.

Ёш спортчиларнинг клубда қатнашиши учун чегирмалар тақдим этилади. 100 нафар кам таъминланган оила фарзандлари эса спорт тўгаракларида бепул қатнашади.

Фото: Атирау минтақавий алоқа хизмати


Сўнгги хабарлар
telegram