Астана ва Алмати аэропортлари жорий йилда рекорд даражадаги йўловчиларга хизмат кўрсатди

Қозоғистон аэропортларида хизмат кўрсатиш ҳажми 25 фоизга ошди. Бу ҳақда Ҳукумат йиғилишида ҚР Транспорт вазири Марат Қарабаев маълум қилди, дея хабар беради Kazinform мухбири.

- Аэропортларда хизмат кўрсатиш ҳажми 25 фоизга ўсиб, 24 миллион йўловчини ташкил қилди (2022 йилнинг 11 ойи — 19,2 миллион йўловчи). Жорий йилда 9 миллион (+34 фоиз) ва 7 миллион йўловчи (+26 фоиз) рекорд кўрсаткич қайд этилган Алмати ва Астана аэропортларида сезиларли ўсиш кузатилмоқда”, - деди Марат Қарабаев.

Шунингдек, у жорий йилнинг 11 ойи давомида маҳаллий авиакомпаниялар томонидан 12 миллион 300 минг йўловчи ташилганини маълум қилди, бу ўтган йилга нисбатан 23 фоизга кўп (2022 йилнинг 11 ойи — 10 миллион).

Йил охиригача бу кўрсаткични 13 миллион йўловчига етказиш режалаштирилган.