16:10, 16 Август 2023 | GMT +5
Астана шаҳри аҳолиси 1 миллион 376 минг кишига етди
ASTANА. Кazinform – Астана шаҳри аҳолиси 1 миллион 376 минг кишига етди. Бу ҳақда «Астана бош режаси илмий-тадқиқот лойиҳалаш институти» МЧЖ директори ўринбосари Серик Абдураҳмонов маълум қилди, дея хабар беради Kazinform мухбири.

«2023 йил 1 июнь ҳолатига кўра, пойтахт аҳолиси сони 1 миллион 376 минг кишига етди. Аҳолининг йиллик ўсиши 50 минг кишидан ошади», — деди бугун жамоатчилик муҳокамаси чоғида «Астана шаҳрининг 2035 йилгача бўлган бош режаси»нинг янги лойиҳасини тақдим этган Серик Абдураҳмонов.
Эслатиб ўтамиз, 2016 йилги амалдаги бош режасига кўра, пойтахт ҳудуди 71 минг гектарни ташкил этган эди. Бироқ 2017 йил 6 февралда Ақмола вилоятининг Целиноград туманининг 8719 гектар майдони Президент қарори билан Астанага қўшиб олинган эди. Шундай қилиб, шаҳар майдони 79,7 минг гектарга етди.
Аввалроқ «Астана шаҳрининг 2035 йилгача бўлган бош режаси»нинг янги лойиҳаси жамоатчилик муҳокамаси бўлиб ўтгани ҳақида хабар берган эдик.
Марлан Жиембай