«АрселорМиттал Қазақстан» компаниясининг янги инвестори аниқланди
«АрселорМиттал Теміртау» АЖни давлат мулкига қайтариш бўйича музокаралар якунланди. Икки АМТ корхонасининг қиймати 286 миллион долларга баҳоланмоқда. ҚР Саноат ва қурилиш вазири Қанат Шарлапаев янги инвестор кимлигини маълум қилди, деб хабар беради Каzinform.

Янги инвестор қозоғистонлик тадбиркор Андрей Лаврентьев. 1979 йилда Алмати шаҳрида туғилган. «Агромашхолдинг» ва «СариарқаАвтоПром» МЧЖларни ўз ичига олган «Allur Group» компаниялар гуруҳи Директорлар кенгаши раиси. Компаниялар гуруҳи Қозоғистонда Chevrolet, KIA, JAC ва LADA автомобиль маркаларининг расмий ишлаб чиқарувчиси ва дистрибютори ҳисобланади.
Эслатиб ўтамиз, 28 октябрь куни соат 02.33 да Қарағанди вилоятидаги Костенко номидаги шахтада ёнғин, ортидан портлаш содир бўлган эди. Ер остида ишлаётган 252 нафар кончидан 206 нафари ўз кучи билан ташқарига чиқди.
31 октябр куни 45 нафар кончининг жасади ва ҳалок бўлган 46-шахснинг тана қисмлари топилди.
Қарағанди вилоятига ташриф буюрган ҚР Президенти Ҳукуматга «АрселорМиттал Теміртау» компанияси билан сармоявий ҳамкорликни тўхтатиш бўйича топшириқ берди.
Кейинроқ Ҳукумат матбуот хизмати «АрселорМиттал Теміртау» АЖнинг эгалик ҳуқуқини Қозоғистон Республикаси мулкига қайтариш бўйича шартнома якунланиши ҳақида маълум қилди.