Араб ва ислом мамлакатлари ташқи ишлар вазирлари Хитойга ташриф буюришади
Араб давлатлари ташқи ишлар вазирлари Ғазодаги урушни тугатиш масаласини муҳокама қилиш учун Хитойга ташриф буюради, деб хабар беради Кazinform.
Саудия Арабистони ташқи ишлар вазири Файсал ибн Фархон ал-Сауднинг сўзларига кўра, араб-ислом саммитини ташкил этиш учун масъул қўмита ўз ишини бошлади. Унга Ғазода ўт очишни тўхтатиш учун ҳаракатларни ишлаб чиқиш вазифаси юкланган.
Араб ва ислом давлатларининг ташқи ишлар вазирлари Ғазода ўт очишни тўхтатиш зарурлигини халққа етказиш ва жабрланганларга ёрдам кўрсатишни бошлаш учун душанба куни Хитой ва бошқа мамлакатларга боради.
Foreign Minister HH Prince @FaisalbinFarhan announces the start of the work of the ministerial committee in charge of the Arab-Islamic summit concerned with formulating an international action to stop the war on Gaza and the first stop is China. pic.twitter.com/Wn9rxZNsUE
— Foreign Ministry 🇸🇦 (@KSAmofaEN) November 18, 2023
Бу ташриф ноябрь ойида Ар-Риёдда бўлиб ўтган араб ва ислом давлатлари саммитида қабул қилинган қарорларни амалга ошириш йўлидаги биринчи қадамдир.
Эслатиб ўтамиз, саммит якунлари бўйича иштирокчилар резолюция қабул қилиб, унда Ғазо сектори Иордан дарёсининг ғарбий соҳилидаги Фаластин ҳудудининг ажралмас қисми эканлиги қайд этилган эди. Исроил сектордаги қуролли можароларда айбланган. Араб Давлатлари Лигаси ва Ислом Ҳамкорлик Ташкилоти давлатлари фаластинликларни қўллаб-қувватлаш учун молиявий хавфсизлик тизимини яратишга келишиб олдилар.
