Apple Хитой бозори учун маҳсулотларига маҳаллий АI моделларини киритди
ASTANА. Кazinform — Apple Хитой бозори учун смартфонларида сунъий интеллект функцияларидан фойдаланишга рухсат олди. Компания қурилмаларнинг онлайн ҳужжатларига АI моделларининг рўйхатдан ўтиш рақамларини киритди, деб хабар беради Кazinformнинг Пекиндаги мухбири маҳаллий ОАВга таяниб.
Хитой Халқ Республикаси Саноат ва ахборот технологиялари вазирлигининг янгиланган ҳужжатларига кўра, Apple компаниясининг биринчи букланадиган смартфони iPhone Duo ва бошқа қурилмалари реестрига учта АI модели киритилган. Улар орасида Apple компаниясининг Apple Intelligence тизими ва Alibaba компаниясининг Tongyi Wanxiang ва Tongyi Qianwen хизматлари бор.
АI алгоритмларини рўйхатдан ўтказиш Apple компаниясининг Хитой бозорида сунъий интеллект хизматларини тўлиқ ишга туширишига йўл очади.
Хитой регуляторлари ушбу ўзгаришларни 29 сентябрь куни маъқулладилар. Букланадиган iPhone Duoдан ташқари, рўйхатдан ўтиш рақамлари iPhone 18 Pro, iPhone 17 Pro ва iPhone Air смартфонларининг ҳужжатларига ҳам киритилган.
Июль ойида Хитойнинг Кибермакон бошқармаси Apple қурилмаларида Apple Intelligenceдан фойдаланишни маъқуллади. Alibaba генератив функциялар ва мультимедиа контентини қайта ишлаш имконини берувчи Qwen нейрон тармоғи Apple операцион тизимларига интеграция қилинганлигини тасдиқлади. Ушбу функциялардан фойдаланиш учун қўшимча учинчи томон иловаларини ўрнатишингиз шарт эмас.
Хитойда букланадиган iPhone Duo смартфони савдоси 23 октябрдан бошланади. Бошланғич нархи 15 999 юань (тахминан 2387 АҚШ доллари).
Эслатиб ўтамиз, Apple биринчи букланадиган iPhoneни тақдим этди.
