Анна Данилина US Open турнирини ғалаба билан бошлади
ASTANА. Кazinform — Қозоғистоннинг жуфтлик баҳсларидаги биринчи, дунёнинг 48-ракеткаси Анна Данилина АҚШ очиқ чемпионатининг иккинчи босқичига йўл олди.
Қозоғистонлик теннисчи россиялик Ирина Хромачева билан биргаликда америкалик Катерина Грант – Ива Йовичга қарши илк учрашувини ўтказди. Қизғин кечган биринчи партияда Қозоғистон-Россия жуфтлиги тай-брейкда ғалаба қозонди – 7:6 (8:6).
Иккинчи сетда америкалик жуфтлик ғалаба қозонди - 7:5. Учинчи, ҳал қилувчи сетда Данилина – Хромачева ғалаба қозонди – 6:2.
Икки соату 20 дақиқа давом этган мусобақада Анна ва Ирина 2 та эйс билан бирга 11 та брейк-пойнтдан 6 тасини қайд этишди. Эйс амалга ошира олмаган америкаликлар 12 та брейк-пойнтнинг 5 тасидан фойдаланишди.
Шу йилнинг май ойидан бери бирга ўйнаётган Анна Данилина – Ирина Хромачева 1/8 финалга чиқиш учун АҚШ чемпионатининг 4-ракеткалари америкаликлар Кэролайн Доулхайд – Дезайри Кравчуклар билан куч синашади.
А.Данилина финляндиялик Харри Хелиоваара билан бирга микст жуфтлик баҳсларида ҳам иштирок этади. Улар биринчи босқичда мусобақанинг 1-ракеткалари канадалик Габриэла Дабровски ва британиялик Жо Солсбери билан куч синашади.
Эслатиб ўтамиз, Жания Бекмухамбетова стол тенниси бўйича WTT Youth Contender турнирида олтин медални қўлга киритгани ҳақида ёзган эдик.
