Амир Омарханов ўсмирлар ўртасидаги жаҳон рейтингида 15-ўринга кўтарилди

ASTANА. Кazinform - ITF 18 ёшгача бўлганлар ўртасидаги жаҳон рейтингини эълон қилди. Қозоғистоннинг ёш юлдузи, 16 ёшли Амир Омарханов 16-ўриндан 15-ўринга кўтарилди.

Шундай қилиб, Амир ўзининг энг яхши кўрсаткичига яқинлашмоқда (2024 йил феврал, №12).

Айни пайтда Астана шаҳрида Президент кубоги учун ўтказилаётган мусобақада иштирок этаётган А.Омарханов кейинги ҳафтада 4 очко билан илк бор АТP рейтингига киради.

Ўсмирлар ўртасидаги ТОП-50 га Соня Жиенбаева (№21) ва Асилжан Аристанбекова (№38) ҳам киришди. Даниал Раҳматуллаев - 58, Занғар Нурланули - 163, Айя Нупбай - 120, Полина Слепцова 229-ўринда.

Осиё теннис федерацияси (ATF) янгиланган рейтингида Занғар Нурланули ҳамон 16 ёшгача бўлган теннисчилар ўртасида 1-ўринда бормоқда.

14 ёшгача бўлган ўсмирлар ўртасидаги Tennis Europe ТОП-100 талигида Қозоғистондан тўрт нафар теннисчи бор: Роберт Каминский – 61-ўринда, Аҳмади Маханов – 63-ўринни сақлаб қолса, Родион Трейгель 69-ўринга кўтарилди.

Қизлар ўртасида Линара Бўлешева 84-ўринда бормоқда.

Эслатиб ўтамиз, аввалроқ қозоғистонлик теннисчилар ATP 250 турнирининг иккинчи босқичига чиққани ҳақида ёзган эдик.