Америкалик кўпкаричилар жуда яхши ўйнашмоқда - қозоғистонлик чавандоз
ASTANA. Kazinform — Бутунжаҳон кўчманчилар ўйинларида иштирок этаётган 9 давлатдан келган чавандозлар “Қазанат” ипподромида чиқиш қилмоқда.
Қозоғистонлик кўпкаричилар ўзларининг ажойиб ўйинлари билан америкалик спортчиларни 12:4 ҳисобида мағлуб этди.
Ўйиндан сўнг ўз таассуротлари билан ўртоқлашган Қозоғистон терма жамоаси спортчиси Ернат Малимбаев америкалик кўпкаричиларининг ўзига хос хусусиятлари ҳақида гапириб берди.
“Биз яхши тайёргарлик кўрдик, финалда ғалаба қозонамиз деб ўйлайман. Гарчи америкалик рақиблар бу ўйинни ўрганаётган бўлсалар-да, улар яхши ўйнашга муваффақ бўлди. Миллий ўйинимиз тобора яхшиланиб бораётганини англадим”, – дейди чавандоз.
Эслатиб ўтамиз, кеча Қозоғистон кўпкаричилари саралаш босқичида Ўзбекистон терма жамоасини 16:0 ҳисобида яққол мағлуб этганди.
