Алварес ва Головкиннинг учинчи жанги кейинга қолдирилди

NUR-SULTAN. Kazinform – Мексикалик боксчи Саул «Канело» Алварес россиялик боксчи Дмитрий Биволга сенсацион тарзда мағлуб бўлгач, Головкин билан ўтказишни режалаштирган жангга шошилиш ниятида эмас, деб хабар беради Kazinform мухбири.

Жангдан сўнг мексикалик боксчи Саул Алварес дарҳол реванш жангини ўтказишни сўради. Дмитрий Бивол бунга розилик билдирди. Алварес ғалаба қозонган тақдирда кузда қозоғистонлик Геннадий Головкин билан учрашиши керак эди.

Энди эса Саул Алварес ва Дмитрий Бивол ярим оғир вазн тоифасида WBA Super чемпионлик камари учун реванш жанги ўтказади. Жанг сентябр ойига режалаштирилган. Демак, Алвареснинг сентябр ойида қозоғистонлик Геннадий Головкин (42-1-1, 37 КО) билан ўтказиши режалаштирилган учинчи жанги кечроқ муддатга кўчирилади.

Эслатиб ўтамиз, АҚШнинг Невада штати Лас-Вегас шаҳрида ярим ўрта вазн тоифасида WBA камари учун бўлган жангда Дмитрий Бивол Сауль Альваресни сенсацион тарзда мағлуб этганди.