Алматиликлар сув тошқинидан жабр кўрган ҳудудларга 10 тоннадан ортиқ гуманитар ёрдам жўнатди
ALMATY. Kazinform - Алматидан сув тошқиндан жабр кўрган ҳудудларга 10 тоннадан ортиқ гуманитар ёрдамнинг биринчи партияси жўнатилди, деб хабар беради Kazinform агентлиги мухбири.
Алмали туманидаги маҳалла фуқаролар йиғинида очилган қабул пункти 29 мартдан буён ишламоқда.
Алматиликлар ҳар куни керакли нарсаларни олиб келиб, зарар кўрган ҳудудларга ёрдам беришга ўз ҳиссаларини қўшишди.
– Кўмак беришда шаҳар аҳолиси, тадбиркорлар, ёшлар фаол иштирок этди. Натижада 6 кун ичида 10 тоннага яқин инсонпарварлик ёрдами йиғилди. Жумладан, 2,5 тоннадан ортиқ кийим-кечак, бир тоннадан ортиқ гигиена воситалари, 3,5 тоннадан ортиқ озиқ-овқат ва уй-рўзғор буюмлари етказиб берилди”, -деб хабар берди шаҳар ёшлар сиёсати бошқармаси.
Ёрдам йиғиш пункти ишига шаҳарнинг 30 дан ортиқ йирик волонтер ташкилотлари ва 100 дан ортиқ кўнгиллилар жалб этилган.
Ташкилотчилар Алматиликлар ва кўнгиллиларга хайрли ишдаги фаолликлари ва қўллаб-қувватлаганликлари учун миннатдорчилик билдирдилар.
Муаллиф: Еламан Турисбеков
