Алматилик робот йиғувчи ўқувчилар Хьюстон ва Лондонга боришади
ALMATY. Кazinform - Робот техникаси сир-асрорларини пухта эгаллаган алматилик мактаб ўқувчилари Хьюстон ва Лондонда бўлиб ўтадиган халқаро турнирга йўлланмани қўлга киритди.
Астанадаги Ал-Форобий номидаги ўқувчилар саройида ўтказилган мусобақада Қозоғистоннинг турли вилоятларидан 3000 дан ортиқ ўқувчилар, дунёнинг турли давлатларидан 200 дан ортиқ жамоалар иштирок этди. Алмати шаҳри шарафини ҳимоя қилган ўқувчилар бир қанча совринли ўринларни қўлга киритди.
Мусобақа натижаларига кўра 124-мактабнинг «Team 124» жамоаси «Winning Alliance 2nd pick» ва «THINK AWARD 2st place» номинациялари ҳамда Лондонда бўлиб ўтадиган «UK first championship 2024» халқаро мусобақасида иштирок этиш ҳуқуқини қўлга киритди. 206-мактаб-гимназия ўқувчиси Онғарбек Томирис АҚШнинг Хьюстон шаҳрида бўлиб ўтадиган «2024 FIRST Championship, Houston» мусобақасида иштирок этиш сертификатини ютиб олди.
Шунингдек, Алмати мактаблари битирувчиларига мамлакатнинг нуфузли олий таълим муассасаларининг грантлари топширилди. Хусусан, БИЛ лицейи ўқувчиси Спандияр Туяқбай ва 39-сонли ихтисослаштирилган лицей ўқувчиси Маликов Мейиржан Сатбаев университетида бепул ўқиш имкониятига эга бўлди. Бундан ташқари, М.Базарбаев номидаги 138-гимназия ўқувчиси Амангелди Шолпан, 81-мактаб-гимназия ўқувчиси Алрахат Умитхан, М.Мақатаев номидаги 140-гимназия ўқувчилари Нурила Бердали ва Мўлдир Бекенқизи, 178-сонли ихтисослаштирилган лицей ўқувчиси Олжас Санатули АУЭС грантини ютиб олди.
200-мактаб-гимназия ўқувчиси Мира Демеуғалиева ва 178-ихтисослаштирилган лицей ўқувчиси Алуа Тўлендига Европа таълим муассасаларига ўқишга кириш учун 100% чегирмали грант берилди.
