Алматига олти ойда 715 миллиард тенге сармоя жалб этилди

ALMATY. Kazinform - Жорий йилнинг олти ойида Алматига асосий капиталга 715 миллиард тенге сармоя жалб этилди. Бу ҳақда Kazinform агентлиги ҳокимлик матбуот хизматига таяниб хабар беради.

Ўсиш 15,8 фоизни ташкил этди. Хусусий инвестициялар 21,1 фоизга ошиб, 656,4 миллиард тенгени ташкил этди. Инвестициялар ҳажмининг энг кўп ўсиши IT-соҳасида – 3,8 баробар, туризмда – 2,5 баробар, ишлаб чиқаришда – 2 баробар, соғлиқни сақлашда – 2 баробар, транспортда +47,1 фоизга ўсган.

Жорий йилда асосий капиталга йўналтирилган инвестициялар ҳажми 10 фоиз реал ўсиш билан 2 триллион тенгедан ортиқни ташкил этади.