Алматидаги бозорлардан бирида Ўзбекистон ва Тожикистондан келган ноқонуний муҳожирлар аниқланди

Алматидаги бозорлардан бирида Ўзбекистон ва Тожикистондан келган ноқонуний муҳожирлар аниқланди, деб хабар беради Kazinform агентлиги Polisia.kzга таяниб.

Маҳаллий рейд 20 ноябрь куни бошланган кенг кўламли “Қонун ва тартиб” тадбири доирасида ўтказилди. Мақсад жиноятчиликка “тоқатсизлик” тамойилини кучайтириш, кўчаларда ва бошқа жамоат жойларида тўғри жамоат тартибини сақлаш, бузғунчилик, мулкка зарар етказиш, майда безорилик, йўл ҳаракати хавфсизлиги соҳасидаги ҳуқуқбузарликларни аниқлаш шунингдек, оиладаги зўравонлик, шу жумладан вояга етмаганларга нисбатан ҳуқуқбузарликларнинг олдини олиш ва уларга чек қўйишдан иборат.

– Маҳаллий полиция, шунингдек, бўлинмамиз миграция хизматлари ходимлари томонидан бозорлардан бирида ноқонуний меҳнат фаолиятини амалга ошираётган Ўзбекистон ва Тожикистон фуқаролари аниқланди. Улардан баъзиларининг шахсини тасдиқловчи ҳужжатлари умуман бўлмаган. Улар ПД қабул-тақсимлаш бўлимига жойлаштирилди. Қозоғистон миграция қонунчилигини бузганлик бўйича иш материаллари қарор қабул қилиш учун судга юборилади”, — деди Медеу тумани ИИБ бошлиғи Иляс Ўмирсериков.