Алматидаги бокс кечасида жанг қиладиган боксчилар вазн ўлчаш маросимида иштирок этди
ALMATY. Кazinform - Эртага Алмати шаҳрида таниқли боксчи Қанат Ислам томонидан ташкил этилган “Ипак йўли” профессионал бокс кечаси бўлиб ўтади. Бугун кечада рингга чиқадиган спортчилар вазн ўлчаш маросимида иштирок этиб, рақиблари билан учрашишди.
Балуан Шолақ номидаги спорт саройида бўлиб ўтадиган бокс кечасида Қозоғистон номидан Руслан Мирсатаев, Бексултан Раушанов, Сапарбай Айдаров, Асқар Ерубек, Нурсултан Аманжолов, Асхат Куанишбекули, Даулет Даукенов рингга чиқади.
“Эртага қозоғистонлик 12 нафар чарм қўлқоп устаси 7 давлатдан келган боксчилар билан рингда ким кучли эканлигини аниқлайди. Йигитларимиз навбатдаги жангга тайёр. Насиб бўлса, иккита унвон ўйнатилади. Булар - WBC Middle East Heavyweight Title ва UBO Asia Welterweight чемпионлик камарларидир”, - деди Қанат Ислам.
Эслатиб ўтамиз, “Ипак йўли” профессионал бокс кечаси соат 18:00да бошланади.
