Алматида ягона туристик чипта ишга туширилди
ALMATY. Kazinform - Туристлар учун диққатга сазовор жойлар ва экскурсияларни арзон нархларда кўриш имконини берувчи Almaty Pass ягона чиптаси ишга туширилди.
Алмати маъмурияти маълумотларига кўра, сайёҳлар битта чипта харид қилиш орқали ўз маблағларининг 63 фоизини тежашлари мумкин. Мисол учун, битта чипта нархи 9990 тенгедан бошланади, бунга 27 300 тенгелик объектларга ташриф буюриш киради.
"Almaty Pass тизими қуйидаги туристик объектларга ташрифни ўз ичига олади: «Көктөбе» канат йўли, «Көктөбе» боғидаги айланма йўл ва тез тушиш (Fast Coaster), MEGA Alma-Ata СОО ҳудудидаги Happy Eye кузатув ғилдираги, Алмати ҳайвонот боғи, А. Қастеев номидаги санъат музейи, “Медеу-Шимбулоқ” йўналиши бўйича Shymbulak канат йўналиши, Ботаника боғи, шунингдек, Nur Bus автобусида шаҳарнинг қизиқарли йўналишларига саёҳат уюштирилди”, - дейилади ҳокимлик ахборотида.
Ягона чиптани almaty.citypass.kz расмий сайтида харид қилишингиз мумкин. Нархи 9990 тенгедан бошланади. Кейин сайтда ёки мобил иловада QR кодли ваучер пайдо бўлади, у кириш пайтида кассирда кўрсатилиши керак. QR-код хизмат пакетига қараб объектга биринчи ташрифдан бошлаб 24 ёки 72 соат давомида амал қилади.
