Алматида кам таъминланган оилалар фарзандлари учун 500 та тўгарак очилди

ALMATY. Kazinform – Алмати шаҳридаги кам таъминланган оилалар фарзандлари учун дам олиш марказларида 500 та тўгарак очилиб, 155 мингдан ортиқ киши қамраб олинди. Бу ҳақда Алмати шаҳар маъмурияти матбуот хизмати маълум қилди, дея хабар беради Kazinform мухбири.

Дам олиш масканларида маҳорат дарслари, кўрик-танловлар, турнирлар, эстафеталар, маърифий машғулотлар, профилактик суҳбатлар, учрашувлар, кўргазмалар, экскурсиялар, саёҳатлар ва тарғиботлар кўринишида турли кўринишдаги тадбирлар ўтказилмоқда.

Республика байрами арафасида ижтимоий ҳимояга муҳтож оилалар ўсмирлари учун Шарин дараси ва Кўлсой кўлига экскурсия ташкил этилди. Экскурсияда 100 дан ортиқ ўсмирлар қатнашди.

Бепул саёҳат Алмати давлат ёшлар сиёсатини ривожлантириш жамғармаси томонидан ташкил этилди.

«Бу йилги бешинчи тур. Бундай саёҳатлар дам олиш марказларида тарбияланаётган болалар учун бепул. Келгуси йилда ҳам диққатга сазовор жойларга 5 та экскурсия ўтказиш режалаштирилган», - деди Алмати маъмурияти.

Муаллиф: Думан Арғингелди