Алматида Эверестни забт этган альпинистлар тантанали кутиб олинди
ALMATY. Kazinform - Дунёнинг энг баланд Эверест чўққисига (8848 м) кўтарилган қозоғистонлик альпинистлар Мақсут Жумаев, Анар Бурашева ва Алмир Қимбатбайули Қозоғистонга қайтиб келди.
Экспедициядан кўзланган мақсад Қозоғистон давлат байроғини дунёдаги энг баланд чўққига кўтаришдан иборат.
Экспедиция иштирокчилари – тарихда Эверест чўққисига чиққан биринчи қозоқ қизи Анар Бурашева ва унинг раҳбари, 14 саккиз минг чўққининг барчасини забт этган афсонавий қозоқ альпинист Мақсут Жумаевни, шунингдек, Алмир Қимбатбайулини кутиб олиш учун Алмати аэропортига келганлар кўп бўлди.
Қозоғистон Республикаси Мудофаа вазирлиги ходимлари жамоанинг Ҳимолой тоғларида бўлиши, айниқса чўққиларга чиқиш вақтида, экстремал ва оғир об-ҳаво шароитида кўрсатган жасорати ва қаҳрамонлиги учун альпинистларга миннатдорчилик билдирди.
Эслатиб ўтамиз, аввалроқ қозоқ қизининг биринчи марта Эверест чўққисига чиққани ҳақида ёзган эдик.
