Алматида бўлиб ўтадиган XX халқаро олимпиадада 600 га яқин ўқувчи иштирок этади

8-13 январь кунлари Алмати шаҳрида Жаутиков номидаги XX халқаро олимпиадаси бўлиб ўтади, деб хабар беради Kazinform.

Таълим вазирлиги томонидан эълон қилинган маълумотларга кўра, Қозоғистон, Озарбайжон, Арманистон, Беларусь, Россия, Қирғизистон, Ўзбекистон, Болгария, Тожикистон, Мўғулистон, Грузия, Сербия каби дунёнинг 14 та давлатидан 55 та жамоа таркибида 600 га яқин ўқувчи иштирок этади. Унда Ҳиндистон ва Руминия ҳам иштирок этади.

Олимпиадани ўтказишдан мақсад - иқтидорли ўқувчиларни аниқлаш, уларнинг интеллектуал ривожланиши ва касбий йўналишини янада ривожлантириш учун шарт-шароит яратиш, ўқувчилар ўртасида физика, математика ва IT бўйича билимларни ёйиш ва тарғиб қилиш, шунингдек, бошқа мамлакатларнинг физика-математика мактаблари билан халқаро ҳамкорликни ривожлантиришдан иборат.

“Уч йилдан буён онлайн тарзда ўтказиб келинаётган олимпиада бу йил офлайн режимда ташкил этилади. Жаутиков номидаги XX халқаро олимпиаданинг очилиш ва ёпилиш маросимлари шу йилнинг 8 ва 13 январь кунлари Almaty Theatreда бўлиб ўтади”, - дейилади хабарда.