Алматида Бодрумнинг сайёҳлик маркази сифатидаги тажрибасидан фойдаланилади

ALMATY. Kazinform – Алмати ҳокими Ерболат Досаев Бодрум шаҳрининг мэри Ахмет Арас билан учрашди, дея хабар беради Kazinform мухбири Алмати шаҳар маъмурияти матбуот хизматига таяниб.

Учрашувда савдо-иқтисодий, маданий-гуманитар ҳамкорлик, шунингдек, туризм соҳасидаги шериклик масалалари муҳокама қилинди.

Алмати маъмурияти маълумотларига кўра, жорий йилнинг биринчи ярмида Алмати ва Туркия ўртасидаги товар айирбошлаш ўтган йилнинг мос даврига нисбатан 32,5 фоизга ошган, яъни 380 миллион доллардан ошган. Бодрумнинг машҳур сайёҳлик маркази сифатидаги тажрибаси Алмати учун фойдали бўлиши мумкин.

«Учрашувда «Алмати шаҳрини 2025 йилгача ривожлантириш дастури ва 2030 йилгача бўлган ўрта муддатли истиқболлар»га мувофиқ туризм соҳасини ривожлантиришга катта эътибор қаратилаётгани таъкидланди. Маданий-гуманитар ҳамкорликни ривожлантириш муҳимлиги қайд этилди. Учрашув якунларига кўра, томонлар истиқболли йўналишларда икки томонлама ҳамкорликни ривожлантиришга келишиб олдилар», - дейилади хабарда.

Эслатиб ўтамиз, Қозоғистонда турк капитали иштирокида фаолият юритаётган компанияларнинг ярмидан кўпи Алматида жойлашган. Алмати шаҳрида «Ахиска» этник-маданий маркази фаолият юритади, 30 дан ортиқ мактабда турк тили ўргатилади, ҳамкорликда маданий тадбирлар ўтказилади.

Муаллиф: Думан Арғингелди

Фото: gov.kz