22:38, 16 Сентябрь 2024 | GMT +5
Алматида 1700 литр компот тайёрланиб, Гиннеснинг рекордлар китобига кирди
ALMATY. Кazinform - Алмати шаҳридаги Биринчи Президент истироҳат боғида Шаҳар куни муносабати билан ўтказилган Apple Fest фестивали доирасида 1700 литр олма компоти тайёрланди. Бу фестиваль тарихидаги биринчи шундай натижа бўлиб, Гиннеснинг рекордлар китобига кирди. Бу ҳақда Алмати ҳокимлиги матбуот хизмати хабар берди.
Ичимлик сотишдан тушган маблағ шаҳар боғлари учун қуш уялари, озуқалар, дарахт кўчатлари ва буталар сотиб олишга сарфланади.
Жорий йилда Алмати шаҳридаги 50 та мева боғи Apple Fest фестивалига 130 тоннадан ортиқ олма, жумладан, машҳур “апорт” навини олиб келди. Шунингдек, паркда Шапито цирки очилди. Ушбу цирк ўз ишини 25 сентябргача давом эттиради.
