Алмати ва Астана ҳаёт сифати бўйича Москвадан ўзиб кетди

ALMATY. Kazinform - Oxford Economics таҳлил компанияси дунёнинг 1000 та энг йирик шаҳарлари глобал индексини эълон қилди. Ҳозирги кунда дунё аҳолисининг 30 фоизи, шунингдек, жаҳон иқтисодиётининг 60 фоизи йирик шаҳарларга тегишли.

Глобал рейтингга кўра, етакчи:

- Нью-Йорк (АҚШ)

- Лондон

- Сан-Хосе (АҚШ)

- Токио

- Париж

- Сиэтл (АҚШ)

- Лос-Анжелес (АҚШ)

- Сан-Франциско (АҚШ)

- Мельбурн (Австралия)

- Цюрих (Швейцария) жойлашган.

Мутахассисларнинг таъкидлашича, глобал шаҳар индекси Қозоғистоннинг 3 та мегаполиси: Алмати, Астана ва Чимкентни ўз ичига олгани билан ажралиб туради.

Oxford Economics мутахассисларинин фикрича, Алмати ва Астана энг яхши 300 та шаҳарлар қаторида жойлашган, 305-ўринни эгаллаган Россия пойтахти Москвани ортда қолдирди.

“Масалан, Алмати инсон капитали бўйича 55-ўринда, Москва эса 115-ўринда. Бундан ташқари, Oxford Economics мутахассисларининг фикрича, Алмати ва Астана ҳаёт сифати бўйича Россия пойтахтини ортда қолдирди”, - деб таъкидлади Иқтисодий тадқиқотлар институти вакили.

Индексларни ҳисоблашда жами 27 та кўрсаткичдан фойдаланилади. Масалан, ҳаво тозалиги, ҳарорат, ёғингарчиликнинг тебранишлари, атроф-муҳит шароитлари, табиий офатлар танқидий мезонлар билан белгиланади.

Инсон капитали қуйидаги кўрсаткичлар бўйича шаклланади: таълим даражаси, аҳолининг ўсиши, университетлар, аҳолининг ёш хусусиятлари, компания штаб-квартираси, чет элда туғилган аҳоли.