Алмати шаҳри ҳокимлиги чет элликлардан олинадиган 5 фоизлик туристик солиқ бўйича изоҳ берди

ALMATY. Кazinform – Минтақавий коммуникациялар хизматида бўлиб ўтган брифингда Алмати шаҳар ҳокими ўринбосари Алишер Абдиқадиров 2023 йил январ ойидан бошлаб чет элликлардан олинадиган сайёҳлик тўлови нима учун 5 фоизни ташкил этганини тушунтирди, деб хабар беради Кazinform мухбири.

«Bed Tax деб номланган туристик солиқ қонунга 2021 йилда киритилган. Кейин Ҳукумат қоидаларни тасдиқлади, унга кўра, ҳисоб-китоб методологиясига кўра, туристлар оқимининг 20 фоизга ошиши ҳисобига Bed Tax улуши 5 фоиз даражасида жорий этилади. Яъни, биз ҳозир методология бўйича шундай қарорга келдик. Ушбу тўлов жаҳон амалиётига мос равишда туризмни янада ривожлантиришга қаратилгани боис тегишли қонун келгуси йилдан кучга киради, деб ўйлаймиз. Бу фақат чет эллик сайёҳларнинг қўшимча маблағлари бўлади. Фуқароларимиз бунинг учун пул тўламайди», - деб жавоб берди у.

Уларга кўра, Алматида чет эллик сайёҳлар сони 2,8 баробарга, маҳаллий сайёҳлар сони эса 1,4 баробарга ошган.

«Ҳисоб ҳам ўзгариши мумкин. Хорижлик сайёҳлар оқими камайса, унинг нархи ҳам шунга мос равишда пасаяди», — дея қўшимча қилди спикер.

Муаллиф: Алма Муқанова