Алмати мактаблари 6 кунлик ўқув ҳафтасига ўтиши мумкинми
ALMATY. Кazinform – Алматида 6 кунлик ўқув ҳафтасига ўтиш масаласи муҳокама қилинди.
Таълим-маориф вазирлиги илгари ҳар бир мактаб мустақил равишда бундай қарор қабул қилиши мумкинлиги ҳақида хабар берган эди. Бироқ, Алмати ҳали 6 кунлик мактаб форматига ўтишни режалаштирмаяпти. Бу ҳақда шаҳар Таълим бошқармаси бошлиғи Сакен Аралбаев маълум қилди. Унинг сўзларига кўра, мегаполис мактаблари янги ўқув йилида 5 кунлик мактаб тизимида ишлайди.
Бошқарма бошлиғи шунингдек, ҳозирда Алматида уч сменали мактаблар йўқлигини ва келажакда шаҳар бир сменада ишлайдиган мактаблар сонини босқичма-босқич кўпайтириш ниятида эканлигини таъкидлади.
Бундан ташқари, Сакен Аралбаев Алматидаги давлат мактаблари фаолият юритадиган BilimClass платформаси ҳақида тўхталиб ўтди ва ўқувчиларнинг шахсий маълумотлари ҳимояланганлигини тасдиқлади.
— Таълим бошқармаси ўқувчиларнинг шахсий маълумотлари тарқалишининг тасдиқланган ҳолатларини қайд этмади. BilimClass давлат стандартлари ва ахборот хавфсизлиги талабларига жавоб беради. Бундан ташқари, маълумотларни ҳимоя қилиш масалалари тегишли давлат органлари билан батафсил муҳокама қилинди, — деди у.
Эслатиб ўтамиз, янги ўқув йилида Қозоғистон мактаб ўқувчиларини смартфонлардан фойдаланиш бўйича янги чекловлар кутиши мумкин.
