Алмати апортини миллий бренд сифатида патентлаш ишлари қандай кетмоқда

Қозоғистон Республикаси Адлия вазири Азамат Есқараев Алмати апортини миллий бренд сифатида патентлаш жараёни қандай кетаётганини айтди, деб хабар беради Кazinform мухбири.

“Биз интеллектуал соҳада патент беришдан ташқари, жаҳон миқёсида мамлакатимиз манфаатларини ҳимоя қилиш йўлида ишлаяпмиз. Шу жумладан, Алмати апортини глобал географик кўрсаткич сифатида рўйхатга олиш йўналишида иш олиб бормоқдамиз”, - деди А.Есқараев Марказий коммуникациялар хизматида бўлиб ўтган брифингда.

Вазир бу Давлат раҳбарининг алоҳида топшириғи эканини эслатди.

“Президент Алмати апортини миллий брендга айлантириш кераклигини айтди. Биз бу ишни ўз зиммамизга олдик ва ҳозир барча йўналишларда олға интиляпмиз. Жорий йилда уюшма ташкил этилди. Бизнинг “Қазпатент” ташкилотимизга ҳамжамият номидан Алмати апортини географик кўрсаткич сифатида рўйхатдан ўтказиш бўйича сўров келиб тушди. Шунинг учун биз ушбу патентни Қозоғистон номига расмийлаштиришга ҳаракат қиляпмиз”, - деди Азамат Есқараев.

Муаллиф: Есимжан Нақтибай