Алмати давлат мактабларида 133 минг бола бепул овқатланади

ALMATY. Kazinfom – Алмати ўқувчиларининг қарийб 45 фоизи ёки 133 минг бола мактабларда бепул овқатланади. Бу ҳақда минтақавий коммуникациялар хизматида бўлиб ўтган матбуот анжуманида Алмати шаҳар ҳокими ўринбосари Асем Нусипова маълум қилди, деб хабар беради Kazinform мухбири.

Унинг таъкидлашича, йил якунига қадар маҳаллий бюджетдан ушбу мақсадлар учун 5,3 миллиард тенге ажратилган.

«Келгуси йилда озиқ-овқат нархини 560 тенгедан 800 тенгега оширдик, 2023 йил бюджетида эса бунинг учун 18 миллиард тенгедан ортиқ маблағ ажратилди. Ўқувчиларни бепул овқатланишнинг оқилона баланси билан таъминлаш мақсадида шаҳардаги барча мактаблар учун мавсумий ва ёш хусусиятларини ҳисобга олган ҳолда марказлаштирилган 4 ҳафталик меню тасдиқланди», - деди Асем Нусипова.

Муаллиф: Алма Муқанова