Александр Шевченко Швеция турнирида асосий тўрга йўл олди
ASTANА. Кazinform — Қозоғистоннинг иккинчи, дунёнинг 107-ракеткаси Александр Шевченко Стокгольм (Швеция) АТP 250 турнирининг саралаш босқичида ғолиб чиқди.
Қозоғистонлик теннисчи саралаш босқичи финалида дунё рейтингида 90-ўринда турган британиялик Жейкоб Фирнлига тўқнаш келди.
А. Шевченко ўйинда 6:2, 6:4 ҳисобида ғалаба қозонди.
1 соат 15 дақиқа давом этган ўйинда Шевченко 4 та эйс ва 3 та брейк-пойнтдан фойдаланди. Фирнли 3 та эйс билан чекланди.
Шундай қилиб, асосий тўрга йўл олган Александр Шевченконинг кейинги рақиби кейинроқ аниқланади.
Агар қозоғистонлик спортчи муваффақиятли ўйинини давом эттирса, у жаҳон рейтингидаги ўрнини яхшилай олади.
Стокгольм турнири 9-15 ноябрь кунлари бўлиб ўтади.
Эслатиб ўтамиз, Жибек Қуламбаева Ҳиндистондаги турнирда япониялик теннисчини иккинчи марта мағлуб этди.
