Александр Шевченко Хитойда турнир фаворитини мағлуб этди
ASTANА. Кazinform — Қозоғистоннинг иккинчи, дунёнинг 111-ракеткаси Александр Шевченко Цзинань (Хитой) челленжер турнирининг иккинчи босқичига йўл олди.
Биринчи босқичда қозоғистонлик теннисчи дунё рейтингида 61-ўринда турган ва ушбу турнирнинг 1-ракеткаси, сербиялик Миомир Кецмановичга қарши тўқнаш келди.
А. Шевченко иккала сетда ҳам 6:3, 6:4 ҳисобида ғалаба қозонди.
1 соатдан сал кўпроқ давом этган ўйинда Шевченко 5 та эйс билан бирга 3 та брейк-пойнтни фойдаланди. Кецманович 1 та эйс, 1 та брейк (2 та брейк-пойнт) билан чекланди.
Александр Шевченко чорак финал йўлланмаси учун дунё рейтингида 260-ўринда турган япониялик Жей Дилан Хара Френд билан рақобатлашади. У рейтингда 525-ўринни эгаллаган россиялик Алибек Качмазовни камбэк эвазига мағлуб этди - 6:7 (4:7), 7:5, 6:3.
Эслатиб ўтамиз, Юлия Путинцева Хитойдаги турнирда учинчи ғалабасини қўлга киритди.
