Александр Недовесов Швециядаги турнирнинг чорак финалига чиқди

ASTANA. Kazinform – Қозоғистоннинг жуфтлик баҳсларида биринчи ўйинчиси, дунёнинг 53-ракеткаси Александр Недовесов Бастад (Швеция) АТР 250 турнирининг чорак финалига чиқди, деб хабар беради Kazinform мухбири.

Қозоғистонлик теннисчи эквадорлик Гонсало Эскобар билан бирга биринчи учрашувини корт эгалари Лео Борг – Симон Фройнд билан ўтказди.

Биринчи ўйинда Қозоғистон-Эквадор дуэти яққол устунликка эга бўлди - 6:1.

Иккинчи сетда ҳисоб 5:3 бўлиб турганида, ёмғир сабаб учрашув тўхтатилиб, кейинроқ давом эттирилди. Недовесов ва Эскобар 6:4 ҳисобида зафар қучди. Бир соатдан ортиқ давом этган мусобақада улар 7 та брейк-пойнтдан 3 тасини фойдаланди.

А.Недовесов – Г.Эскобар мусобақанинг 2-ракеткалари, бельгиялик Йоран Флиген – Сандер Жилле ёки сербиялик Никола Качич – Душан Лайович билан соврин жамғармаси 630,7 минг еврога баҳоланган мусобақанинг ярим финалига чиқиш учун кураш олиб боради.

Муаллиф: Ғайсағали Сейтақ