Александр Недовесов Голландиядаги мусобақанинг ярим финалига чиқди

ASTANA. Kazinform – Қозоғистоннинг жуфтлик баҳсларида биринчи ракеткаси Александр Недовесов Хертогенбос (Голландия) АТР 250 турнирининг ярим финалига чиқди, деб хабар беради Kazinform мухбири.

Чорак финалда қозоғистонлик теннисчи эквадорлик Гонсало Эскобар билан биргаликда голландиялик Робин Хасе ва Таллон Грикспурга қарши ўз маҳоратини намойиш этди.

Қозоғистон-Еквадор жуфтлиги 6:3, 6:4 ҳисобида зафар қучди.

Александр Недовесов - Гонсало Эскобар финалга чиқиш учун австралиялик Алекс Де Минаур - Жордан Томпсон билан беллашади.

Муаллиф: Ғайсағали Сейтақ