Александр Недовесов Болгариядаги турнирнинг финал босқичига чиқди

Александр Недовесов
Фото: ktf.kz

Қозоғистоннинг жуфтликлар баҳсидаги биринчи, дунёнинг 49-ракеткаси Александр Недовесов София (Болгария) шаҳрида ўтказилаётган ATP 250 турнирининг финал босқичига чиқди, деб хабар беради Kazinform.

Қозоғистонлик теннисчи эквадорлик Гонсало Эскобар билан бирга ярим финалда австралиялик Жон Патрик Смит ва Макс Перселга қарши баҳс олиб борди.

Чорак финалда австралиялик жуфтлик яна бир қозоғистонлик Андрей Голубев – украиналик Денис Молчанов жуфтлигини мағлуб этди.

Бу сафар биринчи сетда Қозоғистон – Эквадор жуфтлиги 6:3 ҳисобида ғалаба қозонди.

Иккинчи сетда ҳам улар 2:0 ҳисобида олдинга чиқиб олишди. Ниҳоят, ўйинни ғалаба билан якунлади - 6:2.

Александр Недовесов - Гонсало Эскобар бир соатдан ортиқ давом этган мусобақада 3 та эйс амалга оширди ва 7 та брейк-пойнтдан 3 тасини фойдаланди.

А.Недовесов – Г.Эскобар мусобақанинг 3-ракеталари, британиялик Жулиан Кеш – хорватиялик Никола Мектич жуфтлигига қарши бош соврин учун кураш олиб боради.

Муаллиф: Ғайсағали Сейтақ

Сўнгги хабарлар
telegram