Александр Бублик жаҳон рейтингида рекорд ўрнатди
ASTANA. Kazinform – Профессионал теннисчилар уюшмаси (АТР) томонидан эълон қилинган рейтингда Қозоғистоннинг 1-ракеткаси Александр Бублик рекорд ўрнатди.
Қозоғистонлик теннисчи 18-ўриндан 17-ўринга кўтарилди. Бу унинг энг яхши рейтинги.
Бейбит Жуқаев 182 дан 174 гача кўтарилди. Бу ҳам унинг шахсий рекорди сифатида қайд этилган.
Денис Евсеев 184 дан 177 га, Дмитрий Попко 234 дан 223 га, Тимофей Скатов 271 дан 247 га кўтарилди.
Кучли учликда ҳамон сербиялик Новак Жокович, италиялик Янник Синнер ва испаниялик Карлос Алькарас бор.
Жуфтлик баҳсларида Испания вакили Марсель Гранольерс ва аргентиналик Орасио Себальос биринчи, австралиялик Мэттью Эбден учинчи ўринни эгаллаб турибди.
Қозоғистонлик Александр Недовесов 42-ўринда қолган бўлса, Андрей Голубев 88-ўриндан 93-ўринга тушиб кетди.
Эслатиб ўтамиз, аввалроқ Елена Рибакина WТА чемпионатлари жадвалида энг яхшилар қаторидан жой олгани ҳақида ёзган эдик.
