Александр Бублик Майами мастерс турнирида рейтинги юқори теннисчини мағлуб этди

ASTANА. Кazinform — Қозоғистоннинг биринчи ва дунёнинг 80-ракеткаси Александр Бублик Майами мастерс (АҚШ) турнирининг иккинчи босқичига йўл олди.

Қозоғистонлик теннисчи илк учрашувини дунёнинг 36-ракеткаси аргентиналик Себастьян Баэсга қарши ўтказди.

Рақибининг АТР рейтинги юқори бўлишига қарамай, Бублик муваффақиятли ўйнади — 6:3, 6:4.

Бир соату 10 дақиқа давом этган учрашувда Александр Бублик 8 та эйс билан бирга 6 та брейк-пойнтнинг ярмидан фойдаланди. Себастьян Баэс битта ҳам эйсни амалга ошира олмади ва фақат учта брейк-пойнтдан биттасини фойдаланди.

Александр Бублик учинчи босқичга чиқиш учун дунёнинг 13-ракеткаси америкалик Томми Полга қарши кортга чиқади.

3 мартда якунига етадиган Майами мастерс турнирининг соврин жамғармаси 9 миллион АҚШ долларидан ошади.

Ўтган йили Александр Бублик иккинчи даврадан ўта олмади.

Эслатиб ўтамиз, аввалроқ Дмитрий Попко Мексика турнирининг иккинчи босқичига йўл олгани ҳақида хабар берган эдик.