Александр Бублик иккинчи марта Монпелье турнирида ғалаба қозонди

ASTANА. Кazinform - Қозоғистоннинг биринчи, жаҳоннинг 27-ракеткаси Александр Бублик Монпелье (Франция) шаҳрида ўтказилган АТP 250 турнирида чемпион бўлди.

Қозоғистоннинг етакчи теннисчиси финалда дунё рейтингида 37-ўринни эгаллаб турган 27 ёшли хорватиялик Борна Чорич билан тўқнаш келди.

Хорватиялик спортчи 2022йилда Марракеш, Галле ва Цинциннати мастерс мусобақаларида муваффақият қозониб, жаҳон рейтингида 12-ўрингача кўтарилган эди.

Рақибидан бир ёш кичик А.Бублик икки йил аввал Монпелье, ўтган йили Антверпен ва Галле чемпиони бўлганди.

Дастлабки партияда қозоғистонлик теннисчи 3:0 ҳисобида олдинда бораётган бўлса-да, пешқадамликни сақлаб қола олмади – 5:7.

Бироқ у иккинчи сетда дубл брейк билан ғалаба қозонди - 6:2

Учинчи, ҳал қилувчи сетда А.Бублик яна брейк билан олдинга чиқди - 2:0. У суръатни бўшаштирмади – 6:3.

Икки соату 20 дақиқа давом этган финал баҳсида Бублик 19 та эйс амалга оширди ва 9 та брейк-пойнтдан 4 тасини фойдаланди. Рақиб 5 эйс, 2 брейк (7 брейк) билан чекланди.

Шу тариқа, Александр Бублик Монпельеда иккинчи бор чемпион бўлди.

Эслатиб ўтамиз, аввалроқ Александр Бублик Монпеле турнири финалига чиққани ҳақида хабар берган эдик.

Муаллиф: Ғайсағали Сейтақ