Александр Бублик Голландиядаги мусобақанинг иккинчи босқичига чиқди

ASTANA. Kazinform – Қозоғистоннинг биринчи, жаҳоннинг 47-ракеткаси Александр Бублик Хертогенбос (Голландия) АТР 250 турнирининг иккинчи босқичига чиқди, деб хабар беради Kazinform мухбири.

Қозоғистонлик теннисчи илк учрашувини дунё рейтингида 126-ўринни эгаллаб турган бельгиялик Давид Гоффенга қарши ўтказди.

Александр Бублик 7:5, 7:5 ҳисобида зафар қучди.

Бир ярим соатдан ортиқ давом этган баҳсда А. Бублик 8 та эйс амалга оширди ва 8 та брейк-пойнтнинг ярмидан фойдалана олди. Рақиб 1 эйс, 2 брейк (5 брейк-пойнт) билан ажралиб турди.

Александр Бублик иккинчи даврада дунёнинг 9-ракеткаси ва ушбу мусобақанинг 2-ракеткаси италиялик Янник Синнер билан куч синашади.

Муаллиф: Ғайсағали Сейтақ