Александр Бублик Германиядаги мусобақада дунёнинг 14-ракеткасини мағлуб этди

ASTANA. Kazinform – Қозоғистоннинг биринчи ва жаҳоннинг 48-ракеткаси Александр Бублик Галле (Германия) АТР 500 турнирининг иккинчи босқичига чиқди, деб хабар беради Kazinform мухбири.

Қозоғистонлик теннисчи илк учрашувини дунёнинг 14-ракеткаси хорватиялик Борна Чоричга қарши ўтказди.

Биринчи ўйинда А.Бублик 4:1 ҳисобида олдинга ўтиб, ўша устунликни сақлаб қолди - 6:3.

Иккинчи сетда қозоғистонлик спортчи ҳисобни оширди – 6:1.

Бир соатдан ортиқ давом этган мусобақа давомида Бублик 15 та эйс амалга оширди ва 10 та брейк-пойнтдан тўрттасини қайд этди. Б. Чорич эса 1 эйсдан ошиб кета олмади.

Александр Бублик чорак финал йўлланмаси учун дунёнинг 21-ракеткаси, германиялик Ян-Леннард Штруфф ёки рейтингда 99-ўринда турган россиялик Роман Сафиуллин билан рақобатлашади.

Муаллиф: Ғайсағали Сейтақ