Албанияда ўтказилган мусобақада қозоғистонлик ёш теннисчилар ғолибликни қўлга киритди

ASTANA. Kazinform - Қозоғистонлик Линара Бўлешева ва Медина Ўтепберген Албанияда 16 ёшгача бўлган ўсмирлар ўртасидаги теннис бўйича Европа турнирида ғолибликни қўлга киритди.

Қозоғистонлик ёш теннисчилар жуфтлик баҳслари финалида италияликлар Иецца — Маффини 6:2, 4:6, 10:2 ҳисобида мағлубиятга учратди.

Яккалик баҳсларида Линара финалга чиқди ва у мусобақанинг 6-ракеткаси туркиялик Сера Ҳасанбашоглуга 3:6, 3:6 ҳисобида имкониятни бой берди.

Маълумки, Линара Қозоғистон терма жамоасида ўйнаган таниқли футболчи Алибек Бўлешевнинг қизи ҳисобланади.

Тунисда ITF Juniors J60 сериясидаги учрашув якунланди. Яна бир қозоғистонлик Зара Даркен жуфтлик баҳсларида финалга чиқди.

У яккалик баҳсларида ҳам ярим финалда ўйнаши керак эди.

Аммо бошқа мусобақага кетгани сабабли Зара сўнгги ўйинларни ўтказа олмади.

Эслатиб ўтамиз, аввалроқ Елена Рибакина WТА чемпионатлари жадвалида энг яхшилар қаторидан жой олгани ҳақида хабар берган эдик.