Ақтаудаги авиаҳалокат: ҚР Президенти топшириғига биноан Давлат комиссияси ташкил этилди

ASTANА. Кazinform — Қозоғистон Президентининг топшириғига кўра, Ақтаудаги авиаҳалокат бўйича Давлат комиссияси ташкил этилди.

Давлат комиссиясига Бош вазир ўринбосари Қанат Бозимбаев раҳбарлик қилади. Биздаги маълумотларга кўра, у Ақтауга кетяпти.

Президент Астанадан Ақтауга шифокорлар жўнатиш, жабрланганларга барча зарур ёрдам кўрсатиш бўйича топшириқ берди.

Эслатиб ўтамиз, Ақтауда Azerbaijan Airlines самолёти ҳалокатга учраган эди.

Воқеа жойига ҚР Фавқулодда вазиятлар вазирлигининг 52 нафар ходими ва 11 техникаси етиб борган.

Ҳалокатга учраган самолёт бортида Қозоғистоннинг 6 фуқароси бўлган.

ҚР Транспорт вазирлиги маълумотларига кўра, Озарбайжон томонининг дастлабки маълумотларига кўра, бортда 62 йўловчи ва 5 нафар экипаж аъзоси бўлган.