АҚШ ва Колумбия мигрантлар бўйича келишувга эришди

ASTANA. Kazinform - АҚШ ва Колумбия иммиграция ва тарифлар бўйича келишувга эришди, томонлар божлар жорий қилиш бўйича ўзаро таҳдидларни тўхтатди, деб хабар беради Каzinform мухбири.

АҚШ ва Колумбия мигрантлар бўйича келишувга эришди
Фото: Gustavo Petro / Facebook

— Колумбия ҳукумати президент Дональд Трампнинг барча шартларига, шу жумладан АҚШдан қайтган колумбиялик барча ноқонуний мигрантларни, шу жумладан АҚШ ҳарбий самолётларида ҳеч қандай чекловларсиз ва кечикишларсиз қабул қилинишига рози бўлди, — деди Оқ уй матбуот котиби Каролин Ливитт The Hill сўровига жавоб.

Агар Колумбия келишувни бузмаса, АҚШ тарифлари ва санкциялари кечиктирилади ва имзоланмайди. Давлат департаменти томонидан киритилган виза санкциялари ҳамда божхона ва чегара қўриқлаш хизматининг кучайтирилган текширувлари депортация қилинган колумбияликларнинг биринчи самолёти Колумбияга муваффақиятли етказилгунга қадар ўз кучида қолади.

Якшанба куни эрталаб Колумбия президенти Густаво Петро президент Дональд Трампнинг тарифлари ва санкцияларига жавобан АҚШдан келадиган товарларга импорт божларини 25 фоизга оширишни буюрган эди.

— Колумбия ташқи савдо вазирига АҚШ товарларига импорт божларини ошириш ва Колумбия экспортини АҚШдан бошқа мамлакатларга кенгайтиришга ёрдам бериш топширилди. Нархлари кўтариладиган Америка маҳсулотлари ўзимизда ишлаб чиқарилган маҳсулотлар билан алмаштирилиши керак ва ҳукумат бу борада ёрдам беради, — дейилади Колумбия президенти баёнотида.

Бу чоралар президент Трампнинг Колумбияга қарши АҚШга кирувчи барча товарларга 25 фоизлик бож жорий этиш, шунингдек, Жанубий Америка давлати икки самолётга юкланган мигрантларни қабул қилишдан бош тортганидан сўнг ҳукумат амалдорларининг саёҳатини тақиқлаш ва визани бекор қилиш тўғрисидаги ҳаракатларига жавоб бўлди.

Муаллиф: Рустем Қожибаев

Сўнгги хабарлар