Трамп мигрантларни қабул қилишдан бош тортгани учун Колумбияга қарши санкциялар жорий қилмоқда

Трамп ўзининг Truth Social ижтимоий тармоғидаги аккаунтида “кўп сонли ноқонуний жиноятчиларни олиб кетаётган АҚШдан икки репатриация самолётининг Колумбияга қўниши тўхтатилгани ҳақида ҳозиргина маълум бўлганини” ёзди.
Трамп бу ҳаракат АҚШ миллий хавфсизлигига зарарли эканлигини айтди, шунинг учун у Колумбияга қарши турли чоралар кўришни буюрди, жумладан:
Қўшма Штатларга кирувчи барча товарлар учун 25% шошилинч тарифлар;
Колумбия ҳукумати амалдорлари ва уларнинг барча иттифоқчилари ва тарафдорлари учун саёҳатни тақиқлаш ва визани дарҳол бекор қилиш;
Барча партия аъзолари, оила аъзолари ва Колумбия ҳукумати тарафдорларига қарши виза санкциялари.
—Бу чоралар фақат бошланиши, — деди Трамп.
АҚШнинг янги президенти мамлакатни ноқонуний мигрантлардан тозалашга, жумладан, ўз ҳудудида бўлганларни депортация қилишга ваъда бермоқда.
Эслатиб ўтамиз, аввалроқ Трамп АҚШнинг жанубий чегарасини ёпгани ҳақида хабар берган эдик.