Академик Қаниш Сатбаев ишлатган эгар-жабдуқ
PAVLODAR. Кazinform - Академик Қаниш Сатбаевнинг Баянаул шаҳридаги мемориал музейида буюк олимнинг ишлатган эгар-жабдуғи сақланмоқда. Қаниш болалигида Баянаулда Шормановлар оиласи қурдирган мактабга бориб-қайтганда шу эгардан фойдаланган.
Баянаулдаги музейда Қаниш Сатбаевнинг шахсий буюмлари, ҳаёт сирларини очиб берувчи фотолар мавжуд. Улар орасида алломанинг болалигида ишлатган эгарга эътибор қаратдик. Ушбу қадимий ёдгорликни 12 йил аввал Муса Шорман қишлоғида (Сатбаев туғилган қишлоқ) яшовчи Тастемир Шашенов исмли фуқаро топширган. Тойга мўлжалланган эгар ёғочдан ясалган ва бир неча қисмлардан иборат. Олд қисмида соф кумушдан ясалган заргарлик ёрлиғи бор.
Музейнинг оммавий ишлар бўйича мутахассиси Сансизбай Сапарғалиевнинг айтишича, Қаниш Имантайули ҳозирги Мусо Шорман қишлоғидан 7-8 километр узоқликдаги Айриқ яйловида туғилган. Шу қишлоқ яқинида, Ашчисувнинг нариги томонида Шорман оиласи қишлаган.
Бугунги кунда Шормановлар қишлоғи ва мактаб ўрни қуршалган ва очиқ осмон ости музейига айлантирилган.
Эслатиб ўтамиз, Қаниш Сатбаев ва Кемел Ақишевнинг бирга тушган суратлари топилган эди.
