5G тизими: Қозоғистонда 1,3 мингдан ортиқ таянч станциялари ўрнатилди
ASTANA. Kazinform - Қозоғистон Республикаси Рақамли ривожланиш, инновациялар ва аэрокосмик саноат вазирлиги мамлакат ҳудудининг 5G интернет тармоғи билан қамров даражаси бўйича изоҳ берди.
“ҚР Ҳукуматининг 2023 йил 27 октабрдаги 949-сонли қарори билан тасдиқланган “Арзон интернет” Миллий лойиҳаси доирасида мамлакатда республика аҳамиятига молик шаҳарлар (75 фоиз ҳудуди) ва вилоят марказларида (60 фоиз ҳудуди) 5G мобил технологияси жорий этилмоқда. Ҳозирда мамлакатнинг 20 та шаҳрида 1300 дан ортиқ таянч станциялари ўрнатилди”, — дейилади Рақамли ривожланиш вазирлигининг Kazinformга берган жавобида.
Вазирлик маълумотларига кўра, Давлат раҳбарининг топшириғига кўра, 5G мобил технологиясини жорий этиш 2025 йил охиригача якунланиши керак.
Эслатиб ўтамиз, алоқа операторлари 2027 йил охиригача 5G технологиясини ривожлантиришга 450 миллиард тенге сармоя киритади.
