18 июндан «Salam Air» лоукостери Алматидан Уммонга қатнашни қайта бошлайди
“Ҳозирда Қозоғистонда 10 дан ортиқ бюджет авиакомпаниялари мунтазам рейсларни амалга оширмоқда: «Air Asia Х» (Малайзия), «IndiGO» (Ҳиндистон), «Jazeera Airways» (Қувайт), «Wizz Air Abu-Dhabi» (БАА), «Air Arabia» (БАА), «FlyDubai» (БАА), «Pegasus Airways» (Туркия), «Air Cairo» (Миср), «Red Sea» (Миср), «Flynas» (Саудия Арабистони), «Vietjet Air» (Вьетнам) ва бошқалар. Бундан ташқари, 2024 йил 14 мартдан бошлаб Жануби-Шарқий Осиёдаги энг йирик лоукостер авиакомпаниялардан бири малайзиялик «Air Asia Х» авиакомпанияси Куала-Лумпур ва Алмати ўртасида ҳафтасига 4 та рейс частотаси билан мунтазам йўловчи қатновларини амалга оширмоқда. Бундан ташқари, жорий йилнинг 18 июндан бошлаб Уммон Султонлигининг лоукостери «Salam Air» авиакомпанияси Қозоғистонга мунтазам йўловчи қатновларини тиклашни режалаштирмоқда. Парвозлар ҳафтасига икки марта Алмати-Маскат йўналиши бўйича Airbus 320 ва Airbus 321 русумли самолётларда амалга оширилади”, – дейилади вазирлик хабарида.
Қозоғистонда “очиқ осмон” режими жорий этилганига бир неча йил бўлди. Ушбу режим хорижий авиакомпанияларга Қозоғистон ҳудудига ҳеч қандай чекловларсиз парвоз қилиш имконини беради.
“Янги хорижий бюджет компаниялари Қозоғистон Республикасига авиарейслар очиш режалаштирилган. Чипта нархига келсак, халқаро амалиётга кўра, авиачипталар нархи тартибга солинмаган. Чунки бу ҳаво транспортини ривожлантириш ва хизмат кўрсатиш сифатини оширишга тўсқинлик қилмоқда. Бироқ рақобат, ўз навбатида, чипталар нархига таъсир қилиши мумкин”, – дейилади расмий жавобда.
