16 ёшли Амир Омарханов Президент кубогини ғалаба билан бошлади

ASTANA. Кazinform - Қозоғистонлик 16 ёшли Амир Омарханов Астана шаҳрида Президент кубоги учун ўтказилаётган ATP Challenger Tour турнирини муваффаққиятли бошлади.

Бу йил Мадрид мастерс турнирининг саралаш баҳсларида қатнашган Қарағанди теннис мактаби вакили Амир Омарханов учун бу спорт фаолиятидаги илк челленжер мусобақаси бўлди.

Амирнинг рақиби, дунёнинг 794-ракеткаси россиялик Максим Жуков 19 ёшда эди.

Биринчи сетда ҳисоб 2:2 бўлиб турганида Омарханов брейк қилишга муваффақ бўлди. Бу устунлик унга етарли бўлди - 6:4.

Иккинчи сетда қозоғистонлик ёш теннисчи 5:2 ҳисобида олдинда бўлиб, ўйинга копток узатган бўлса-да, имкониятдан фойдалана олмади. Бироқ у ўйинни эйс билан якунлади - 6:4. Бир ярим соатдан ортиқ давом этган мусобақада Амир 2 та эйс билан бирга бешта брейк-пойнттдан учтасини фойдаланди. Жуков 1 эйс (4 брейк-пойнт) билан чекланди.

Шу тариқа, катталар ўртасидаги АТР баҳсларида илк ғалабасини қўлга киритган Амир Омарханов Президент кубогининг чорак финалига чиқиш учун дунёнинг 533-ракеткаси Саба Пурцеладзе билан куч синашади.

Эслатиб ўтамиз, аввалроқ теннис бўйича Президент кубогида Григорий Ломакин илк ғалабасини қўлга киритгани ҳақида ёзган эдик.