— Аввало, бу ерга қайтиб келганимдан хурсандман. Ушбу турнирдан ажойиб хотираларим бор. Яна ғалаба қозонишга умид қиламан. Вақт кўрсатади, — деди Елена Рибакина.
Теннисчи энг муҳими, мавсумни жаҳон рейтингининг биринчи поғонасида якунлашга ҳаракат қилиш эканлигини айтди.
— Кейинги икки ҳафта ичида қўлимдан келганича ҳаракат қилишим керак. Бу йилги мавсум муваффақиятли бўлди, лекин шу билан бирга узоқ давом этди. Шунинг учун энди соғлиғимга эътибор қаратмоқдаман ва жисмоний фаоллик, ўйинлар ва бошқа вазифаларни тўғри мувозанатлаштиришга ҳаракат қиляпман. Мавсумнинг финал босқичини юқори даражада ўтказмоқчиман, — деди Рибакина матбуот анжуманида.
Нинбо шаҳрида бўлиб ўтадиган WТА 500 турнири 19 октябрда бошланади ва 25 октябрда якунланади. Рибакина мусобақада амалдаги чемпион сифатида иштирок этади. Ўтган йили у финалда россиялик Екатерина Александровани 3:6, 6:0, 6:2 ҳисобида мағлуб этиб, турнир ғолиби бўлган эди.
Эслатиб ўтамиз, Александр Шевченко Хитойда турнир фаворитини мағлуб этди.